Saturday, 3 August 2019
തീരവാസി
മീനച്ചിലാറിന്റെ
തീരത്തിലായ് ജനി-
ച്ചാനന്ദമോടെ വളര്‍ന്നവന്‍
ഞാന്‍.
ചേരിപ്പാട്ടെത്തവെ
ശാന്തയായ്ത്തീര്‍ന്നവ-
ളീ നദി, യെന്നുടെ ശൈശവത്തില്‍
വേനലിലിങ്ങു മണല്‍വിരിച്ചായിരു-
ന്നാര്‍ദ്രയായ്
സൗമ്യയായ് പുഞ്ചിരിച്ചു.
ആ മണല്‍ത്തിട്ടയിലാടിയോടിക്കിത-
ച്ചണല്ലൊ ഞങ്ങള്‍
തളര്‍ന്നുറങ്ങി
പിന്നെയുണര്‍ന്നു
കുളിക്കവെയേറ്റവും
ചൈതന്യദായിയാറെന്നറിഞ്ഞു
എങ്ങു പോയെങ്ങു
പോയിന്നാ മണല്‍പ്പര-
പ്പെന്നറിയുന്നു
ഞാന്‍; നമ്മളെല്ലാം
ആ മണല്‍ ചേര്‍ന്നതാം
കോണ്‍ക്രീറ്റു കാടിന്റെ
കീഴിലല്ലോ
വിശ്രമിച്ചിടുന്നു.
ഇന്നിതാ
ഭൂചലനങ്ങളാല്‍ വീടുകള്‍-
ക്കെല്ലാം തകര്‍ച്ചതന്‍
ലക്ഷണങ്ങള്‍!
ഈ വീടിനെല്ലാമടിസ്ഥാനമായ്
മണ-
ലാകയാലന്തിമ വിശ്രമത്തി-
ന്നായിട്ടു വേറൊരിടം
തിരഞ്ഞീടേണ്ട
ഭൂചലനം സംസ്‌കരിച്ചു
കൊള്ളും.
തിമിര്‍ത്താട്ടം
അണക്കെട്ടു വേണം
നദിക്കൊക്കെ, പെണ്ണി-
ന്നരഞ്ഞാണമോണം -
മൊഴിഞ്ഞല്ലൊ ശാസ്ത്രം!
അരഞ്ഞാണിലാടട്ടലങ്കാരവസ്ത്രം
അതിന്‍ നൃത്തമെന്നും
മദാര്‍ത്തര്‍ക്കു ഹൃദ്യം.
അരക്കെട്ടിളക്കിത്തിമിര്‍ത്താടിവേണം
വരണ്ടോര്‍ക്കു
നമ്മള്‍ വിരുന്നിങ്ങൊരുക്കാന്‍
മൊഴിഞ്ഞൂ
വികാസത്തിനുള്ളോരു മാര്‍ഗം
അറിഞ്ഞീടുമാഗോളമര്‍ത്യന്‍, മഹാര്‍ത്തന്‍!
അരക്കെട്ടിളക്കിത്തിമിര്‍ത്താടിടാനീ
ധരയ്ക്കും വരുന്നല്ലൊ, ആവേശ!മപ്പോള്‍
കവിക്കുള്ളില്‍നിന്നും
മുഴങ്ങുന്നു സാമം
ദമംതന്നെയാണിങ്ങു
ദയ്ക്കുള്ളൊരര്‍ഥം!
Subscribe to:
Post Comments (Atom)
No comments:
Post a Comment