രാമപുരം-കോട്ടമല
2016 ജനുവരി 26 വ്യാഴം രാവിലെ 9.30 ന്
രാമപുരം ടൗണില്‍നിന്ന്
ആരംഭിക്കുന്നു
ക്യാപ്റ്റന്‍ -
ജോര്‍ജ് മുല്ലക്കര
ഉദ്ഘാടനം - ജോസ്
അഗസ്റ്റ്യന്‍ പുത്തേട്ട്
(പ്രസിഡന്റ്,
കര്‍ഷകവേദി)
മനുഷ്യസമൂഹത്തിന്റെ
പൊതുസ്വത്തായ മലയും മണ്ണും ജലവും പാറയുമെല്ലാം കടുത്ത ഭീഷണികളെ
നേരിട്ടുകൊണ്ടിരിക്കുന്ന കാലഘട്ടത്തിലൂടെയാണ് നാം കടന്നുപോകുന്നത്.
പ്രകൃതിവിഭവങ്ങളുടെ അമിത ചൂഷണമാണ് വികസനമെന്ന വികലമായ സങ്കല്പം പിന്തുടര്‍ന്നു കേരളം പാരിസ്ഥിതിക വിനാശത്തിന്
വലിയ വില നല്കിത്തുടങ്ങിയിരിക്കുന്നു. വിഭവ സംരക്ഷണത്തിന്റെ കാര്യത്തില്‍
ഭരണകൂടങ്ങള്‍ വ്യക്തമായ നയം രൂപീകരിക്കുന്നില്ലെന്ന് മാത്രമല്ല വികസനത്തിന്റെ
പേരുപറഞ്ഞ് സ്വകാര്യമൂലധന താല്പര്യങ്ങള്‍ക്കുവേണ്ടി വിവേകരഹിതമായ വിഭവചൂഷണത്തിന്
വഴിയൊരുക്കിക്കൊടുക്കുകയും ചെയ്യുന്നു. കഴിഞ്ഞ ഒരു ദശകത്തിനുള്ളില്‍ കേരളത്തിലെ
കുന്നുകളും മലകളും പാറകളും വന്‍തോതില്‍ നീക്കം ചെയ്യപ്പെട്ടു കഴിഞ്ഞു. കേരളത്തില്‍
ഒരു വര്‍ഷം ഒരു ഹെക്ടര്‍ സ്ഥലത്തുനിന്നും ശരാശരി 15 മുതല്‍ 20 ടണ്‍വരെ മേല്‍മണ്ണ്
ഒലിച്ചു നഷ്ടപ്പെടുന്നതായി പഠനങ്ങള്‍ സൂചിപ്പിക്കുന്നു. ഭൂഗര്‍ഭ ജലവിതാനം
ക്രമാതീതമായി താഴ്ന്നുകൊണ്ടിരിക്കുകയാണ്. മണ്ണിരകളുടെ കൂട്ടമരണവും 60 % മഴക്കുറവുമെല്ലാം കേരളം മരുവത്ക്കരണത്തിലേക്ക് നീങ്ങുന്നുവെന്നതിന്റെ
സൂചനകളാണ്. ഈ നിലയില്‍ കുന്നിടിക്കലും പാറപൊട്ടിക്കലും വയല്‍ നികത്തലും രാസവിഷ
ഉപയോഗവും തുടര്‍ന്നാല്‍ കേരളത്തിന്റെ കാര്‍ഷികരംഗം പാടെ തകരുകയും ജനജീവിതം
ദുഃസ്സഹമാകുകയും ചെയ്യും. ഈ സാഹചര്യത്തിലാണ് കോട്ടമല സമരം കേരളത്തിന് പ്രകാശം
പകരുന്നത്. പ്രാദേശിക വിഭവങ്ങളുടെമേല്‍ പ്രാദേശിക ജനത അധികാരം ആര്‍ജിച്ചുകൊണ്ടു
മാത്രമേ ഭരണകൂടത്തിന്റെ ഒത്താശയോടെ
സ്വകാര്യമൂലധന ശക്തി നടത്തുന്ന കൊള്ള തടയുന്നതിന് സാധിക്കുകയുള്ളു. അതുകൊണ്ട്
തന്നെ ഗ്രാമസഭകള്‍ക്ക് ഇത്തരംവിഭവങ്ങളുടെ മേല്‍ പൂര്‍ണ്ണാധികാരമുണ്ടാകേണ്ടതുണ്ട്.
സ്വാതന്ത്ര്യസമര കാലത്ത് ഗാന്ധിജി മുമ്പോട്ട് വച്ച 'ഗ്രാമ
സ്വരാജ്' എന്ന ആശയം പ്രായോഗികമാക്കേണ്ടിയിരിക്കുന്നു.
ജനങ്ങള്‍ സ്വയം സംഘടിച്ച് നടത്തുന്ന
കോട്ടമല സമരം ജനാധികാരം വീണ്ടെടുക്കാനുള്ള സമരങ്ങള്‍ക്ക് കരുത്തുപകരുമെന്ന
കാര്യത്തില്‍ സംശയമില്ല. കോട്ടമലയിലെ പോരാടുന്ന ജനങ്ങളോട് ഐക്യദാര്‍ഡ്യം
പ്രഖ്യാപിച്ചുകൊണ്ട് വിവിധ ഗാന്ധിയന്‍ സംഘടനകള്‍ രാമപുരത്തുനിന്നും
കോട്ടമലയിലേക്ക് ചുവടുവയ്ക്കുകയാണ്.
കുറിഞ്ഞി പാരീഷ് ഹാളില്‍ 2 പി.എം. ന് നടക്കുന്ന സമാപന സമ്മേളനത്തില്‍ പ്ലാച്ചിമട സമര നേതാവ് വിളയോടി
വേണുഗോപാല്‍ മുഖ്യ പ്രഭാഷണം നടത്തും. ഫാദര്‍ തോമസ് ആയിലൂക്കുന്നേല്‍, പ്രമോദ് കൈപ്പിരിക്കല്‍ എന്നിവര്‍ സംസാരിക്കും. തുടര്‍ന്നു നടക്കുന്ന
കോട്ടയം ജില്ലാ ജൈവ കര്‍ഷക സംഗമത്തില്‍ കുന്നിടിക്കലും പാറപൊട്ടിക്കലും കാര്‍ഷിക
മേഖലയ്ക്ക് വെല്ലുവിളി എന്ന വിഷയത്തില്‍ ഡോ. ജോമി അഗസ്റ്റ്യന്‍ വിഷയം
അവതരിപ്പിക്കും. സി ജെ മാത്യു. അഡ്വ. ബിനോയി മങ്കന്താനം തുടങ്ങിയവര്‍ സംസാരിക്കും.
സഹകരണം അഭ്യര്‍ത്ഥിച്ചുകൊണ്ട്,
കെ.ജെ. അബ്രാഹം
(സര്‍വ്വോദയമണ്ഡലം)996116722
സണ്ണി വര്‍ഗ്ഗീസ്
(ജൈവകര്‍ഷക സമിതി) 9947997860
അഡ്വ. ജോര്‍ജുകുട്ടി
കടപ്ലാക്കല്‍ (സംഘാടക സമിതി കണ്‍വീനര്‍) 9447181316
N.B.
ഡോ. എസ്.
രാമചന്ദ്രന്‍, സി. റോസ്
വൈപ്പന,
ഡോ. ജോസ് മാത്യു,അഡ്വ. വി.എം. മൈക്കിള്‍,
എബി എമ്മാനുവല്‍, തുടങ്ങിയവര്‍ വിവിധ യോഗങ്ങളില്‍ സംസാരിക്കുന്നു.
ഡോ. ജോസ് മാത്യു,അഡ്വ. വി.എം. മൈക്കിള്‍,
എബി എമ്മാനുവല്‍, തുടങ്ങിയവര്‍ വിവിധ യോഗങ്ങളില്‍ സംസാരിക്കുന്നു.
